KnarvikMila har hatt ei positiv utvikling dei siste åra, og det årlege arrangementet er blitt ei omfattande aktivitetsveke som bidrar til stort engasjement i Knarvikområdet og i heile Nordhordland. KnarvikMila har planar om vidare utvikling og målet er å løfte arrangementet vidare ut på ein internasjonal arena. I tillegg vil KnarvikMila også vere med på å utvikle aktivitetane og det lokale folkehelsearbeidet i regionen. For å vidareutvikle KnarvikMila og styrke det lokale folkehelsearbeidet, har KnarvikMila og Lindås kommune gått saman om å søkje etter ein:
Aktivitets- og helsekoordinator.
Ei attraktiv stilling innan idrett, aktivitet, folkehelse og samfunnsutvikling.
Søknadsfrist: 20. januar.
Sentrale arbeidsoppgåver:
- Bidra til å vidareutvikle KnarvikMila som eit nasjonalt og internasjonalt idrettsarrangement.
- Vidareutvikle og koordinere aktivitetar og arrangement for Knarvikmila i eit heilårleg perspektiv (KnarvikMila 365)
- Bidra til å styrke og utvikle Lindås kommune sitt førebyggande folkehelsearbeid med fokus på fysisk aktivitet og mosjon. Dette betyr tett dialog og samarbeid med kommunen.
- Følgje opp og vidareutvikle samarbeidsprosjektet LivOGLyst KnarvikMila.
Krav til kompetanse og erfaring:
- Det er ein fordel med formell utdanning og relevant erfaring innan idrett, aktivitet og helse. Helst utdanning på høgskulenivå.
- Kjennskap til offentleg forvaltning er ein fordel.
- Erfaring frå prosjekt- og organisasjonsarbeid
- God erfaring med grunnleggande og sentrale IT-verktøy
Personlege eigenskapar og engasjement er viktig i ei slik stilling. Vi er på jakt etter ein engasjert person som verkeleg brenn for å få folk i meir aktivitet.
Eigenskapar:
- Utadvent og er god til å kommunisera, både munnleg og skriftleg
- Engasjert og kreativ, ikkje redd for å ”ta i eit tak”.
- Gode samarbeidsevner
- Strukturert og sjølvstendig
- God gjennomføringsevne
- Likar å jobbe med mange ulike prosessar på same tid.
Søknadsfrist: 20. januar
100% fast stilling.
Snarleg tilsetting.
Løn og pensjonsvilkår etter avtale.
Arbeidsgjevar er Knarvikmila.
Arbeidsstad: Knarvik.
Stillinga rapporterer til dagleg leiar.
Nærare opplysningar om stillinga:
v/Helge Brekke, tlf. 97145628
e-post:helge@knarvikmila.no
Søknad og CV skal sendast til:
Post: KnarvikMila,Box 177 5903 Isdalstø.